MNCTV АРЬС ШИРНИЙ УРАМШУУЛАЛД 30 МЯНГАН МАЛЧИН ХАМРАГДЖЭЭ

C1 Newsroom - Арьс шир

Чиг гутлын үйлдвэрийн захирал Б. Гэрэлт-Од

онгол малын арьс ширээр бүтээгдэхүүн үйлдвэрлэгч “Арга шагай” ХХК-г онцлон танилцуулж байна. Энэхүү компани нь 2009 оноос үйлдвэрлэлээ явуулж эхэлсэн бөгөөд өнөөдөр Монголын зах зээлд арьсан бүс, тэлээний хамгийн том үйлдвэрлэгч болон танигдсан юм. Тэд өдөртөө 100 ширхэг дээлийн бүс, 500-гаад тооны тэлээ үйлдвэрлэх хүчин чадалтай. Үйлдвэрлэлдээ олон дэвшилтэд техник болон технологийг ашигладаг бөгөөд 10-аад хүний бүрэлдэхүүнтэйгээр ажиллаж байна. “Арга шагай” компани нь үйлдвэрлэсэн бүтээгдэхүүнээ дотоодын зах зээлд худалдаалахаас гадна ОХУ, БНХАУ болон Өвөрмонгол зэрэг орнуудад худалдаалж байна. Монгол дээлийн бүс, тэлээ зэргээр голлон хийдэг ч бүх төрлийн арьсан цүнх болон бусад арьс ширэн бүтээгдэхүүн үйлдвэрлэх бүрэн нөөц бололцоотой. Тэд 2015 онд арьс ширний үйлдвэрлэлд нэгэн томоохон дэвшлийг гаргажээ. Энэ нь бүх төрлийн хээний хэв хийх машин юм. “Арга шагай” компаний үйлдвэрлэсэн бараа бүтээгдэхүүнүүд “Монголд үйлдвэрлэв” болон “Нарантуул” олон улсын худалдааны төвүүдээр худалдаалагдаж байна. Дотооддоо үйлдвэрлэсэн монгол малын арьс ширэн бүтээгдэхүүнээ сонгон хэрэглэж, үндэсний үйлдвэрлэгчдээ дэмжээрэй. Хаяг: Монгол улс, Улаанбаатар хот, Баянзүрх дүүрэг 19-р хороо, Цайз 1-2 Утас: 88118370, 88003727

Бэсүд арьсан эдлэлийн үйлдвэр

Цээлбүзэнхи ХХК "Төв гутал" гутлын үйлдвэр

Цэргээс халагдаж ирсэн залуухан эр гутлын үйлдвэрт орж ажилласнаар энэ байгууллагын түүх эхэлжээ. Саран гоёл гутлын үйлдвэрийн үүсгэн байгуулагч, захирал Б.Гомбодорж нь 1982 оноос эхлэн гутлын үйлдвэрт ажиллаж байгаад 2000 оноос гутал үйлдвэрлэлийн бизнест орж өнөөдрийн компанийхаа үндэс суурийг тавьсан юм. 2011 онд албан ёсоор аж ахуйн нэгж болж 20оод хүнийг ажлын байраар хангажээ. Үйлдвэрлэлээ эсгүүр, оёдол, уллагаа болон өнгөлгөө тосолгоо гэсэн үе шаттайгаар явуулдаг бөгөөд өдөрт 30 хос гутал үйлдвэрлэх хүчин чадалтай. Нийт бүтээгдэхүүний дийлэнхийг хромон гутал эзэлдэг бөгөөд монгол загварын эрэгтэй эмэгтэй, хүүхдийн ээтэн гутал, нохой гутал зэргийг улирлын чанартайгаар үйлдвэрлэж байна. Үйлдвэрлэсэн нохой гутлаа хойд хөрш болох Оросын холбооны улсад нийлүүлж байсан бол монгол загварын ээтэн гутлаа Хятад улсад борлуулж байсан арвин туршлагатай хамт олон юм. Гутал урлах түүхий эдийнхээ арьс шир зэргийг дотоодын боловсруулах үйлдвэрээс авч хэрэглэдэг бол ул, утас зэргээ гаднаас оруулж ирдэг. Тэдний үйлдвэрлэсэн бараа бүтээгдэхүүн Нарантуул олон улсын худалдааны төвийн 55-р лангуунд худалдаалагддаг бөгөөд аливаа албан байгууллагын саналаар бүх төрлийн гутлыг үйлдвэрлэн гаргахдаа бэлэн байгаа юм. Орон нутгийн малчин хөдөлмөрч иргэддээ зориулан малчдын гутлыг мөн үйлдвэрлэж байсан бөгөөд энэ ондоо багтаагаад цэвэр арьсан, 100 хувь гар аргаар уралсан чийг татахгүй сайн чанарын хүүхдийн гутал үйлдвэрлэхээр ажиллаж байна. Саран гоёл компани нь техник технологоо сайжруулан олон улсын чанар стандартад нийцсэн олон төрлийн гутал үйлдвэрлэж, дэлхийн зах зээлд гаргах хэтийн төлөвлөгөөтэй. Хаяг: Монгол улс, Улаанбаатар хот, Сонгинохайрхан дүүрэг 10-р хороо, Зүүн Баян уулын 10-19 Утас: 88009139, 99890528, 99146540, 88188642

Монгол улсад байгуулагдсан гутлын анхны хувийн үйлдвэр нь “Хос Аз” компани юм. Энэ үйлдвэр нь анх 2005 онд байгуулагдаж өнөөг хүртэл тасралтгүй арав гаран жил ажиллан монгол түмнийхээ гутлын хэрэгцээний нэгээхэн хэсгийг хангасаар байна. Өнөөдрийн байдлаар мэргэжлийн өндөр түвшинд бэлтгэгдсэн инженер, техникийн ажилчид нийлээд 80 аад ажлын байртай болжээ. Тэд өнгөрсөн жил өөрийн хөрөнгөөр Итали, Тайвань улсын компьютер удирдлагатай, өндөр чадлын техник тоног төхөөрөмжөөс бүрдсэн 2 дахь үйлдвэрээ нээгээд байна. Ингэснээр хүний хөдөлмөрийг хөнгөвчилсөн ажлын бүтээмжийг нэмэгдүүлсэн гээд олон давуу талтайн дээр жилдээ 100 мянган хос гутал хийх хүчин чадалтай болжээ. Нийт бүтээгдэхүүний дийлэнх хувийг нь хөдөлмөр хамгааллын зориулалттай гутал эзэлдэг байсан бол 2 дах үйлдвэр нээгдсэнээр эрэгтэй эмэгтэй хүүхдийн спорт гээд олон улсын чанар шаардлагад нийцсэн Монгол брэндийн гутлууд үйлдвэрлэх боломжтой болж байна. Монголчууд хүүхдийн хөлийг дулаан байлгах чийгтэхгүй байлгах тал дээр ихээхэн анхаардаг. Тэгвэл Хос Аз компани нь Монгол, Италийн цэвэр арьс шир, нэхий болон гутлын үйлдвэрлэлд шинээр хэрэглэгдэж байгаа хөвөн даавуун, гал усанд тэсвэртэй материал ашиглан Европ Стандартын Монгол хүүхдийн гуталны шинэ коллекцоо гаргаад байна. Энэ загвараа Итали улсын нэрт зохион бүтээгч Ж.П.Папатай хамтран гаргасан бөгөөд эдгээр загваруудаа Япон улсад нийлүүлэхээр ажиллаж байна. Цаашид монголын “Хос Аз” ХХК-ийн брэнд гутлууд дэлхийн өнцөг булан бүрт хүрч танигдахыг хүсье. “Хос Аз” ХХК-ийн хаяг: Монгол улс, Улаанбаатар хот, Хан-Уул дүүрэг 2-р хороо АШҮН хашаа 187/1, “Хос Аз” ХХК-ийн байр, Шуудангийн хайрцаг 36/64 Утас: 99804781, 99662943, 88677326 Утас/Факс: 11-342315

М.Золзаяа: Манай хүүхдийн, арьсан гутал 50 мянган төгрөгийн үнэтэй

“Арьс шир ноос ноолууран бүтээгдэхүүн 2015” үзэсгэлэнг 9 дэх жилдээ 10-р сарын 15-аас 19-ны өдрүүдэд Мишээл Экспо төвд болно.

Монгол шевро ХК

#MadeInMongolia S2E5 Дархан Нэхий ХК | @BloombergTVM нэвтрүүлэг

Баялаг бүтээсэн 25 жил Дархан минж ХХК

TV25 Амжилт "Дархан Минж ХХК" захирал Б.Баянжаргал

BLOOMBERG TV